Agjencia e Parqeve dhe Rekreacionit në bashkëpunim me Federatën Shqiptare të Kanotazhit sollen sot Kampionatin e parë “Canoe & Kayak Sprint” në Liqenin Artificial të Tiranës.
Pjesë e këtij kampionati janë të apasionuarit pas sporteve të ujit nga qytetet e Shkodrës, Lezhës si dhe anëtarë të Universitetit të Sporteve.
Gara u zhvillua në disiplinën 200m sprint me dy kategori: K1 – Kayak me 1 person (garë në mënyrë individuale) dhe K2 – Kayak me 2 persona (e ndarë në 2 bateri).
Më herët APR-ja ka nisur punën për realizimin e Molit të ri të varkave e kanoeve në Parkun e Madh. Ky projekt synon nivelimin e bregut të para rritjes së nivelit të liqenit, montimin e platesë së drunjtë mbi mol si dhe zhvendosjen e inerteve që ishin aty për të krijuar një ambient mëse të përshtatshëm për çdokënd që do të përdorë varkat apo kanoen në Liqenin e Tiranës. Top Channel
