Morën peng të riun, policia ndalon një prej të dyshuarve, shpall në kërkim bashkëpunëtorin tjetër. Ngjarja thuhet se ka ndodhur me 11 korrik 2015, ku Roland Beqiraj, 21 vjeç, banues në fshatin Tatoshaj të Mallakastrës, së bashku me shokun e tij, S.Q., 23 vjeç, banues në Durrës kanë futur më forcë në makinë 19-vjeçarin, E.V., banues në Tiranë.
Autorët e krimit i kanë bërë pritë 19-vjeçarit në Tiranë. Rreth orës 23:00 të mbrëmjes së 11 korrikut, ata i kanë dalë në vendin e quajtur “Nish Tulla 3” dhe më forcë e kanë futur në bagazhin e makinës. Më pas e kanë lëvizur në një vend ku nuk kishte njerëz dhe së bashku me njëri-tjetrin e kanë kërcënuar me jetë. Shkak i sherrit mes tre të rinjve ka qenë xhelozia.
I dëmtuari thuhet se ka ngacmuar të dashurën e një prej agresorëve. Pas katër ditësh, shtetasi E.V., i është drejtuar Komisariatit Nr.3., për të denoncuar rastin. Ai ka treguar përpara grupi hetimor të gjithë kronologjinë e ngjarjes. Pas marrjes së denoncimi, policia ndaloi një prej të akuzuarve, shtetasin Roland Beqiraj.
