Një i moshuar ka tentuar ti japë fund jetës në mënyrë demonstrative në Tiranë.
Shtetasi Qazim Gapi ka nisur të heqë rrobat dhe të lyhet me benzinë. Në momentet kur ka tentuar ti vërë flakën vetes, ka ndërhyrë një patrullë policie që ka parandaluar ngjarjen.
E gjithë skena e rëndë ka ndodhur në bulevardin “Dëshmorët e Kombit” në Tiranë, para Piramidës.
Sipas dëshmitarëve i moshuari nuk ka lejuar askënd ti afrohet. Fatmirësisht aty pranë ndodhej një patrullë policie që mundi të ndërhyjë në kohë. Nuk dihen ende shkaqet e këtij veprimi ekstrem të Qazim Gapit. Policia ka nisur veprimet hetimore për të zbuluar shkaqet e tentativës për vetëvrasje nga i moshuari.
