Një kazino në Tiranë ka rënë pre e një grabitje me armë. Një person i armatosur ka hyrë brenda kazinosë pasditen e së dielës në zonën e Shkollës së Bashkuar në Tiranë dhe ka marrë xhiron ditore.
Gjatë grabitjes është shtënë edhe një herë në ajër me armë, por pa shkaktuar të lënduar në njerëz.
Nga të dhënat paraprake bëhet e ditur se personi që ka grabitur kazinonë ka qenë një i ri rreth 22 vjeç, ndërsa mendohet se në ambiente te jashtme të saj, ka qenë dikush tjetër që e priste dhe i “ruante krahët”.
Efektivët e policisë të sinjalizuar për grabitjen, kanë mbërritur në vendin e ngjarjes dhe po hetojnë për zbardhjen e rrethanave të saj si dhe për kapjen e autorëve.
