Një grabitje e armatosur të një banke të nivelit të dytë ka ndodhur sot në Tiranë. Ngjarja raportohet të ketë ndodhur në rrugën e Kavajës ku 2 persona të armatosur dhe të maskuar kanë grabitur një shumë të konsiderueshme nga një bankë e nivelit të dytë.
Nga të dhënat e para bëhet e ditur se ata kanë hyrë dhe nën kërcënimin e armës kanë arritur të marrin paratë, shuma e të cilëve nuk dihet ende.
Në vendin e ngjarjes kanë arritur forcat e policisë të cilët kanë nisur punën për identifikimin dhe arrestimin e autorëve. Nga verifikimet e kryera rezulton se kjo është hera e dytë në 5 vjet që grabitet kjo bankë.
