Specialistët e Komisariatit të Policisë Nr. 3 në bashkëpunim me Komisariatin Nr. 6 kanë bërë të mundur kapjen në flagrancë të 3 shtetasve të dyshuar për veprën penale “Vjedhje”.
Më datë 21.09.2016, u bë arrestimi i shtetasve:
– Florjand Lika, 21 vjeç, banues në Tiranë, i dënuar më parë
– Sabri Çoku, 21 vjeç, banues në Tiranë
– Hazret Zmakaj, 18 vjeç, banues në Tiranë
Këta shtetas, dyshohen se më datë 21.09.2016, ne orët e para të mëngjesit në rrugën “Dritan Hoxha”, në brendësi të një firme private, në pronësi të shtetasit A. N., kanë marrë kasafortën e kësaj firme, ku janë marë rreth 200.000 leke, 400 paund dhe 245 euro.
Këtyre shtetasve u është sekuestruar në cilësinë e provës materiale:
• Një sasi lekësh prej 100.000 leke
• Një sasi prej 610 euro
• Një automjet i tipit “Ford”
• Aparate celulare
• Disa vegla pune
Gjithashtu nga hetimet e kryera ka rezultuar se këta shtetas janë të dyshuar si autorë të vjedhjes së ndodhur më datë 15.07.2016, tek kompleksi Malajzian, është vjedhur me thyerje, zyra e shtetasit I. D., ku kanë marrë një kompjuter dhe 140 euro.
Materialet proceduriale i’u kaluan Prokurorisë pranë Gjykatë së Shkallës së Parë Tiranë, për veprën penale “Vjedhje” e kryer në bashkëpunim, parashikuar nga Neni 134/2 i Kodit Penal./a.m.
