Në mes të shiut dhe të ftohtit, një nënë ka braktisur foshnjën e saj 1-muajshe, në kryeqytet. Burime nga policia bëjnë të ditur për “BalkanWeb” se foshnja është gjetur nga banorët mëngjesin e sotëm, pranë një pallati në rrugën “Arkitekt Sinani”, në Tiranë.
Banorët kanë lajmëruar menjëherë forcat e policisë, të cilat e dërguan beben e braktisur në maternitetin “Koço Gliozheni”.
Momentalisht nuk ka të dhëna rreth gjendjes shëndetësore të foshnjës, e cila mund të ketë qëndruar gjatë në të ftohtë. Ndërkohë policia është vënë në kërkim të nënës që braktisi në mes të rrugës beben e saj vetëm një muajshe.
BW/d.i.
