Një ngjarje tronditëse ka ndodhur këtë të dielë në Tiranë, në lagjen Jordan Misja. Një krim brenda familjes. Babai ka goditur me thikë dy vajzat e tij, teksa mësohet se njëra prej tyre ka ndërruar jetë nga plaga e marrë.
Kujtim Ibraj ka goditur me thikë vajzat e tij E.I dhe Elidona Ibraj, 17 vjeçarja e cila ndërroi jetë në spital. Fatmirësisht vajza tjetër e cila po ashtu ndodhet në spital, është jashtë rrezikut për jetën.
Vajza e plagosur quhet Esmeralda Ibraj dhe është 22 vjeçe. Familja Ibraj ishte e ardhur në Tiranë dhe është me origjinë nga Puka.
Paraprakisht policia dyshon se i ati i dy vajzave ka qenë i dehur.
Policia ka arrestuar babain vrasës, ndërsa është ende duke punuar për të zbardhur shkaqet e këtij krimi të rëndë në familje.
