Një ngjarje e rëndë kriminale ka ndodhur në orët e mbrëmjes në Tiranë. Një person është vrarë me armë zjarri në një pritë ndaj tij.
Sipas informacioneve autorit ka qëlluar me pesë plumba ndaj shtetasit Devi Kasmi rreth 40-vjeç, i cili ka humbur jetën në vend. Ndërkohë që bëhet e ditur paraprakisht se autorët, dyshohet dy, kanë qenë me një motor dhe me skafandër.
Ngjarja e rëndë ndodhi në rrugën “Kongresi i Manastirit” në Tiranë pranë spitalit të fëmijëve.
Duke përfituar edhe nga errësira, ata janë larguar me shpejtësi në drejtim të zonës së Freskut.
Sipas të dhënave, autori i krimit ishte një person i cili mbante në kokë një skafandër çka vështirëson identifikimin e tij. Pas të shtënave ai u largua me shpejtësi me motor.
Policia ka mbërritur në vendngjarje dhe po punon për zbulimin dhe kapjen e autorit të krimit.
Njoftimi i policisë:
Rreth ores 18.44 ne Sallen operative ka ardhur nje telefonate se ne rrugen “Kongresi i Manastirit” ka te shtena me arme. Menjehere ne vendngjarje kane shkuar forca te shumta polici ku ka rezultuar se:
Ne nje rrugice qe lidhet me rrugen Kongresi i Manastirit, ne afersi te Morgut eshte vrare me arme zjarri shtetasi D.K, rreth 40 vjeç. Jane ngritur pika te shumta kontrolli, si dhe po krihet zona.
Grupi hetimor ne vendngjarje po fikson dhe grumbullon çdo prove qe mund te çoje ne identifikin e autoreve.
/a.m.
