Nuk kanë fituar asnjë herë këtë sezon në Kurbin por Tirana shpreson të thyej këtë tabu pikërisht në ndeshjen më të rëndësishme të sezonit. Ndaj Laçit, klubi më i titullar në vend, luan fatet e mbijetesës, tingëllon e çuditshme por bardheblut dy javë përpara përfundimit të sezonit ende nuk kanë arritur ta mbyllin këtë diskutim.
Me dy pikë avantazh ndaj kundërshtarit të tyre direkt, Kastriotit, Tiranës i mjafton të mos humbi në këtë transfertë për të mbyllur më pas llogaritë në javën e fundit ku presin Flamurtarin në shtëpi, një skenar ku nuk janë në varësi të rezultateve të Kastriotit. Kjo vigjilje nuk ishte aspak e lehtë për trajnerin Mema i cili duhet të bënte llogaritë me shumë lojtarë të dëmtuar.
Tirana
Mema sfidon Laçin në këtë sfidë me këto 11 lojtarë: Lika, Hoxhallari, Turtulli, Kërçiku, Goxha, Maveje, Doka, Hasani, Ngreca, Cobbina dhe Ngoo