Ish-deputetja e PS-së Arta Dade mbajti fjalën e saj në ceremoninë e organizuar nga Bashkia e Tiranës me rastin e 105-vjetorit të shpalljes së Tiranës Kryeqytet i Shqipërisë.
Dade vlerësoi figurën e Erion Veliajt në drejtimin e bashkisë Tiranë, i cili sot ndodhet në burg për shkak të hetimeve të SPAK.
‘Tirana s’do tym e molotov. Do paqe. Tirana refuzon intrigat hedhjen e baltës. Erion përfaqëson brezin e ri të politikës. Nuk ka lidhje me politikën e 35 vjet. Uroj që kryetari ynë i dashur të bëjë luftë ligjore deri në fund dhe për të vërteta e tij. Jam e bindur se në shembullin e tij bashkia e Tiranës do jetë në avanguard të zhvillimeve si gjithë kryeqytetet e BE. Veliaj mund të ishte fare mirë edhe kryetari i bashkisë Romës. Me vizionin e tij, maturinë e tij, patjetër është kryetari i një bashkisë europiane. E kam votuar reformën në drejtësi, që kjo drejtësi të ketë më së pari mbrojtjen e të drejtave të njeriut, i barabartë për ata që rasti e sjell të kenë punë me drejtësinë. Ta bëjmë gjithë Shqipërinë ashtu si Edi Rama dhe Erion Veliaj kanë bërë Tiranën’, tha Dade.
