Kursim apo kredi? Shqiptarët po i drejtohen gjithnjë e më shumë bankave, jo vetëm për të ruajtur kursimet, por edhe për të financuar blerjen e banesave, zgjerimin e bizneseve apo investime të reja.
Të dhënat më të fundit të Bankës së Shqipërisë tregojnë se sistemi bankar po rritet në të dyja drejtimet, si në depozita ashtu edhe në kredi, por ritmi nuk është i njëjtë në të gjithë vendin.
Pas saj renditen Durrësi me mbi 62 miliardë lekë dhe Vlora me mbi 20 miliardë lekë.
HUAMARRJA SIPAS QARQEVE (mln lek)
| Huatë 2025 | Huatë 2026 | ||
| Tiranë | 670,530 | 738,304 | |
| Durrës | 55,142 | 62,184 | |
| Vlorë | 18,374 | 20,424 | |
| Fier | 16,595 | 18,029 | |
| Elbasan | 14,327 | 17,312 | |
| Shkodër | 14,613 | 16,493 | |
| Korçë | 10,834 | 12,704 |
Por dinamika më interesante vjen nga Elbasani, i cili regjistron rritjen më të fortë të huamarrjes, me mbi 20%, ndërsa Korça afro 17%, duke treguar se kërkesa për financim po zgjerohet edhe jashtë qendrës ekonomike të vendit.
Edhe kursimet mbeten të përqendruara në kryeqytet. Vetëm në Tiranë depozitat kanë arritur në 935 miliardë lekë, ose më shumë se gjysma e totalit të kursimeve bankare.
Pas saj vijnë Durrësi me 133 miliardë lekë dhe Vlora me 108 miliardë lekë, ndërsa qarqet e tjera kanë volume dukshëm më të ulëta.
| Depozitat 2025 (mln lek) | Depozitat 2026 | |
| Tiranë | 836,486 | 935,493 |
| Durrës | 124,180 | 133,380 |
| Vlorë | 101,339 | 107,758 |
| Fier | 78,743 | 83,545 |
| Elbasan | 75,262 | 81,056 |
| Shkodër | 62,748 | 66,888 |
| Korçë | 62,007 | 38,981 |
Megjithatë, tabloja bëhet më interesante kur krahasohen kreditë me depozitat. Tirana ka raportin më të lartë, ku pothuajse 79% e parave të depozituara rikthehen në ekonomi në formën e kredive.
Kjo tregon një treg shumë aktiv, me kërkesë të lartë për financim nga familjet dhe bizneset.
RAPORTI KREDI/DEPOZITA
| Tiranë | 78.9% |
| Durrës | 46.6% |
| Korçë | 32.6% |
| Shkodër | 24.7% |
| Elbasan | 21.4% |
| Fier | 21.6% |
| Vlorë | 18.9% |
Ndërsa në Vlorë, Fier, Elbasan, Shkodër dhe Korçë, depozitat janë disa herë më të larta se kreditë. Me fjalë të tjera, këto qarqe kursejnë më shumë sesa financohen.
Bankat mbledhin kapital nga këto zona, por një pjesë e mirë e tij kreditohet në tregje të tjera, kryesisht aty ku kërkesa për investime është më e lartë.
Në fund, harta financiare e vendit tregon dy realitete: Tirana është qarku që kërkon më shumë financim, ndërsa shumica e qarqeve të tjera mbeten kursimtare neto, duke krijuar një rezervë të rëndësishme fondesh për sistemin bankar.
