Java e nëntë do ta përballë Tiranën me një rival direkt si Kukësi të hënën në Shkodër. Trajneri i bardhebluve, Orges Shehi kërkon pikët, por e rëndësishme është edhe qëndrueshmëria e skuadrës.
Është ditë e rëndësishme për ne për pikët, është punë e gjatë dhe do të duhet të fokusohemi te paraqitja e skuadrës.
Fitorja për Tiranën do ta ndihmonte për një shkëputje me ndjekësit që në javën e nëntë. Si skuadra bardheblu dhe Kukësi janë eliminuar nga Kupa e Shqipërisë dhe tani objektivi mbetet vetëm kampionati.
Për të dy trofetë është në garë ende Dinamo që po kërkon kthimin e rezultateve në Superiore ndaj Egnatias edhe pse është një kundërshtar i lehtë.
Java e nëntë e Superiores do të mbyllet me këto takime dhe që i japin fund edhe fazës së parë të kampionatit.
/a.r
