Tirana humbi aktin e parë ndaj Besiktas në Turqi me rezultatin 3-1, në ndeshjen e vlefshme për turin e dytë në Conference League.
Pavarësisht një pjese të dytë të mirë, bardheblutë nuk ia dolën të sigurojnë një rezultat pozitiv.
Turqit e mbyllën pjesën e parë 2-0, falë golave të Bulut dhe Muleka. Në të dytën, Tirana u shfaq ndryshe dhe iu afrua golit me Abazajn në minutën e 69-të, por sulmuesi i vetëm në zonë nuk ia doli ta shënojë.
Në minutën e 83-të, ishte Kaina, i cili i ardhur nga stoli, shënoi për Tiranën, pas një asisti të marrë nga Haxhiu.
Gjithsesi bardheblutë nuk ia dolën të ruajnë këtë rezultat dhe pësuan një tjetër gol nga Kilicsoy në minutën e 94-t.
Ndeshja e kthimit do të luhet pas një jave në stadiumin “Air Albania”.