Humbja e Tiranës në Durrës u komentua gjatë, por bardheblutë treguan se gjithçka ishte vetëm një rastësi, pasi u rikthyen te suksesi pasditen e sotme, ku mposhtën Vllazninë me rezultatin e pastër 3-0 në një ndeshje që prodhoi emocione por edhe polemika.
Kjo sepse Vllaznia pretendoi një penallti në minutën e 25-të pas një prekjeje të dukshme të topit me dorë nga ana e Bathës, por Jorgji vijoi lojën. Golat për Tiranën u shënuan nga Torassa 31′, Ngoo 36′ dhe Cale 63′.
Nuk pati surpriza as në Vlorë, ku Partizani mori fitoren e dytë radhazi dhe u rikthye plotësisht në garë për një ven në Kupat e Europës. Ndonëse përballë kishin një Flamurtar të rënë tashmë në Kategorinë e Parë, “të kuqtë’ e kryeqytetit nuk e patën aspak të lehtë të marrin 3 pikët, teksa rezultati final ishte me vetëm një gol diferencë, 1-2. Bardhi dhe Bitri shënuan për Partizanin, ndërsa për vlonjatët Oliviera.
/e.rr
