Rritet tensioni midis Parisit e Moskës, pas përhapjes së lajmit për dëbimin e 20 prej 43 tifozëve ultras rusë të arrestuar për akte të rënda dhune në Marsejë. Një masë që nuk iu komunikua më parë kolegëve rusë dhe kjo ka sjellë ftohje midis dy vendeve. Marrëdhëniet u ngrohën disi pasi Prokuroria e Marsejës kërkoi bashkëpunimin e funksionarëve të Moskës për individualizimin dhe ndalimin e disa prej fajtorëve të përleshjeve në Marsejë.
The Guardian ka bërë të ditur, ilustruar edhe me foto, se midis njëzet të dëbuarve është edhe një subjekt që sjell jo pak siklet për Rusinë, e cila, ndër të tjera, do të presë botërorin pas dy vitesh. Bëhet fjalë për Aleksandar Shprygin, ultranacionalist, presidenti i shoqatës së tifozëve. Njeri mjaft i afërt me deputetin e të djathtës ekstreme Igor Lebedev, presidentin Vladimir Putin dhe anëtar i Federatës Ruse të Futbollit.
Mbi të gjitha, duke qenë anëtar i shoqatës së tifozëve, Shprygin është edhe anëtar i komitetit organizativ të botërorit 2018 dhe kjo përbën pa diskutim një problem.
Ashtu sikurse edhe hapja e hetimeve nga UEFA, me kërcënim përjashtimi të skuadrës, vetëm për Rusinë, edhe pse në përleshje u përfshinë edhe ultras anglezë e francezë. Një çështje diplomatike që rrezikon të prishë me dy vjet avancë atmosferën e botërorit të Rusisë.
D.I.
