Ndeshja e 14 Tetorit 2014 e zhvilluar në Beograd ndërmjet Serbisë dhe Shqipërisë ka lënë gjurmë tek shqiptarët, dhe veçanërisht veprimi i futbollistëve të kombëtares shqiptare në mbrojtje të flamurit.
Një tifoz i Kombëtares së Shqipërisë nga Gjakova ka bërë tatuazh një nga momentet më dramatike të incidentit të dronit. Momenti, në të cilin kapiteni i Shqipërisë, Lorik Cana e grushton një tifoz serb, i cili kishte hyrë në fushë për të sulmuar futbollistët shqiptarë, është bërë tatuazh nga Lekë Dobruna.
Në prag të ndeshjes në “Elbasan Arena” kundër Serbisë, Dobruna në profilin e tij në Facebook ka njoftuar për tatuazhin e ri dhe ka shkruar: “Unë jam gati”.
