Të vetëdijshëm se betejën për Kosovën e kanë humbur, tifozët serbë dhe aleatët e tyre në vendet e Lindjes, deri më tani janë ngushëlluar duke bërë gjatë ndeshjeve thirrje si “Kosova është Serbi”. Por me gjasë edhe këtë të drejtë tifozët serbë e ata rusë nuk do ta kenë më, pasi UEFA po e cilëson si raciste. Këtë e ka provuar në lëkurën e saj edhe Lokomotivë Moska, shkruan Koha Ditore. FFK-ja e vlerëson qëndrim të drejtë këtë të UEFA-s, por e merr edhe si mesazh se si duhet sjellë tifozët në gara ndërkombëtare
Serbia dhe aleatët e saj tashmë kanë humbur “betejën” për të mbajtur të izoluar futbollin kosovar. UEFA në kongresin e radhës të saj, që parashikohet të mbahet në fund të marsit, pritet ta pranojë Kosovën. Kosova më pas do të pranohet edhe në FIFA dhe do të nisë garimin në kualifikime e në Kupa Evropiane në futboll.
