Një përfaqësi e grupit të tifozëve Kuqezi ka zhvilluar një takim me trajnerin e kombëtares, Gianni De Biasi në Durrës, aty ku ekipi është akomoduar për përgatitjet ndaj Serbisë.
Grupimi si gjithmonë nuk ka kursyer mbështetjen për ekipin, aq më tepër në një sfidë që vlen më shumë se tre pikë, ndërsa trajneri italian mësohet se u ka kërkuar që të ruajnë qetësinë dhe të shmangin incidentet, pasi mund të dëmtojnë ekipin, teksa u ka premtuar maksimumin në fushë.
