ë gjithë e mbajnë mend kur Serbia shënoi dy golat në kohën shtesë, më 8 tetor në “Elbasan Arena” gjestin e njërit prej lojtarëve mysafirë. Tosiç festoi me 3 gishta, një simbol që ka disa nënkuptime, por për shqiptarët sjell në mendje edhe masakrat në Kosovë. Nëse FSHF-ja nuk reklamoi asgjë në UEFA për këtë veprim, më të irrituar kanë qenë turqit, konkretisht tifozët e skuadrës ku luan, Beshiktashi. Ata kanë bërë një veprim për t’u përshëndetur gjatë ndeshjes së fundit të kampionatit turk, Beshiktash-Rizespor.
Më konkretisht, tifozët e kundërshtarit të Skënderbeut në grupet e Ligës së Europës e kanë thirrur serbin Tosiç në një moment dhe i kanë treguar flamurin shqiptar. Një përgjigje për atë veprim që bëri në “Elbasan Arena”. Kujtojmë se mbrojtësi Tosiç hyri si zëvendësues, në vend të Ivanoviç, kapitenit të serbëve, në ndeshjen ndaj Shqipërisë.
Ai ka festuar duke iu treguar tifozëve shqiptarë tre gishtat lart. Për ata që nuk e dinë, tre gishtat lart janë shenjë e çetnikëve. Ky gjest kaloi pa ndonjë koment apo irritim në Shqipëri, por nuk ndodhi e njëjta gjë në Turqi. Mediat dhe tifozët turq, veçanërisht ata të Beshiktashit, ku edhe luan Tosiç, janë tërbuar me festimin e tij. Ata, madje, kërkuan pezullimin e Tosiç nga Beshiktashi, derisa dje e përballën me flamurin kuqezi.
Lojtari serb, në Instagram, ka shkruar se ky festim nuk ka të bëjë me racizëm, apo fashizëm. “Pas ndeshjes mes Shqipërisë dhe Serbisë, në Turqi kanë dalë shumë komente rreth festimit tim, kështu që e pashë të nevojshme për të folur dhe përgjigjur për këto sulme. Pra, tre gishtat nuk janë as racizëm, as fashizëm, dhe nuk ka asnjë mesazh fetar. Tre gishtat janë përdorur nga pothuajse të gjithë sportistët serbë për të shprehur festimin e tyre, siç kam bërë pas golit. Në këtë mënyrë unë dua të them se jam ndjerë keq në qoftë gjesti im ka lënduar dikë. Gjitha të mirat”, – ka shkruar Tosiç.
