Taulant Balla pretendon se ka një dosje ku ka të dhëna që e kompromentojnë Lulzim Bashën. Duke folur në Kuvend, Balla tha se një qytetar nga zona e “Astirit” i ka ofruar një informacion.
“Me tha një banor, ore si ka mundësi që nuk ia thoni Lulzimit që na vjen përditë në protestë me makinën e pronarit të kompanisë që ndërton tek Unaza. Kjo është dosja e makinës me targë AA 111 EN. Këtu thotë se makina i përket shoqërisë Viktoria Invest. E ka blerë në Gjermani me vlerën 53 mijë euro. Po ta lë dosjen këtu ta marrësh ta lexosh vetë” – tha deputeti socialist.
Ai u shpreh se Basha nuk ka shqetësimin sesi PD të fitojë besimin e qytetarëve, por sesi të vendosë gjoba.
“Edhe këtij Edmond Begos që thua se është miku im, kam hall se po i kërkon ndonjë kafë” – tha Balla.
Balla ftoi opozitën të votojë Reformën Zgjedhore.
“Mos dilni të na thoni se Viktor Gumi dhe Ilir Rusmajli janë të kapur nga Edi Rama. Se e bëtë këtë gabim me Ridvan Boden” – tha numri dy i PS.
/a.rada
