Kryeministri Edi Rama ka vijuar turin e dëgjesave me qytetarët në qytetin e Gjirokastrës. Edhe në këtë takim të fundit, nuk kanë munguar ankesat e shumta të qytetarëve për problemet e tyre në zyrat e administratës së shtetit. Ashtu si në shumë dëgjesa, edhe këtë herë të shumta ishin shqetësimet për çështjet e regjistrimit të pronave nga Hipoteka.
Një nga qytetarët ka ngritur shqetësimin e saj duke u shprehur se prej 25 vitesh nuk ka mundur të gjejë zgjidhje.
Kryeministri Rama i kërkoi sqarim kreut të Hipotekës së Gjirokastrës.
“Ku është ky drejtori i Hipotekës të na sqarojë? Është këtu? Ti je drejtori i Hipotekës akoma? E dhe dorëheqjen?”, tha kryeministri Rama.
