Policia Kufitare dhe Njësia Policore Detare bëjnë me dije se gjatë javës që lamë pas, në kuadër të operacionit “Siguria Detare” ka bllokuar 35 mjete lundruese.
Operacioni është zhvilluar nga Ksamili në Koman përgjatë gjithë vijës bregdetare, hapësirave liqenore dhe atyre lumore.
Mjetet e bllokuara janë 20 jet ski, 8 skafe, 5 gomone dhe 2 varka metalike, një pjesë e të cilëve nuk kishin dokumentacionin përkatës, teksa kishte dhe nga ata drejtues që shkelën perimetrin e sigurisë duke rrezikuar jetën e pushuesve.
Drejtuesit e këtyre mjeteve janë ndëshkuar secili me masë administrative prej 100,000 lekësh të rinj.
Po gjatë kësaj jave, Njësia Policore Detare dhe Policia Kufitare iu kanë dhënë ndihmë turistëve dhe vizitorëve në 9 raste në hapësirën detare nga Ksamili në Koman. Në shumicën e rasteve, turistëve ju rrezikohej seriozisht jeta për shkak të prishjes së mjeteve lundruese apo pamundësisë për t’u kthyer në breg për shkak të dallgëve.
/a.r
