Tre persona kanë thyer karantinën në Durrës, duke u konfliktuar mes tyre me mjete prerëse për motive të dobëta. Gjatë patrullimit policia ka parë 3 të rinjtë duke ndërhyrë menjëherë dhe parandaluar përshkallëzimin e mëtejshëm të konfliktit.
Polica ka arrestuar në flagrancë shtetasin E. H., 27 vjeç, i cili për motive të dobëta ka goditur me thikë dy vëllezërit A. N., 26 vjeç dhe T. N., 30 vjeç, të cilët ndodhen jashtë rreziku për jetën.
Pas arrestimit të 27-vjeçarit, policia u ka vendosur gjobë me 10 000 lekë dhe dy vëllezërve, pasi kishin shkelur orarin e karantinës.
Materialet i kaluan Prokurorisë së Rrethit Gjyqësor Durrës, për veprat penale “Plagosja e rëndë me dashje”, “Plagosja e lehtë me dashje” dhe “Mbajtja pa leje e armëve të ftohta”. /e.s/
