Thomas Müller ka kritikuar formulën e re të kampionatit evropian, me 24 skuadra pjesëmarrëse, çka ka rritur numrin e ndeshjeve. Për sulmuesin e Gjermanisë, kjo mund të jetë argëtuese për tifozët, por jo për lojtarët.
“Me shtimin e numrit të pjesëmarrësve është shtuar edhe numri i ndeshjeve. Ky ndryshim nuk i shërben kompeticionit. Mund ta konsideroja si pozitiv vetëm nëse do ta shikoja me syrin e një tifozi. Tani kualifikohen për më tej edhe dy të tretat më të mira, gjë që më duket edhe kjo absurde”, thotë Müller për Bild.
Lojtari bavarez nuk sheh favoritë për trofeun.
“Në një Europian asnjëherë nuk mund të flasësh për ekipe favorite. Ky është një kompeticion i paparashikueshëm. Ne jemi kampionët e botës, por kjo nuk na jep statusin e favorites. Në këtë drejtim, si Franca dhe Anglia janë në rrugë të mbarë”.
BW/d.i.
