Kallëzimi penal i policisë për liderin e opozitës, Lulzim Basha, duket se ka tërhequr edhe vëmendjen e mediave ndërkombëtare.
Associated Press shkruan se policia ka kallëzuar Bashën për thirrje për dhunë, duke cituar thirrjet e Bashës për thyerje xhamash e çarje gomash.
Sipas AP, kreu i PD-së i ka bërë thirrje popullit që të mos rrijnë si “delet” por të “luftojnë mbrapshtë”, por pavarësisht thirrjeve, protesta e opozitës nuk ka çeduar në dhunë. Shkrimi flet edhe për ngjarjet e mëparshme në vend, si bojkoti i parlamentit nga ana e opozitës, vonesat për procesin e vettingut, apo thirrjet e ndërkombëtarëve për tu kthyer në Kuvend.
