Byroja e parlamentit ka vendosur pro kërkesës së deputetëve të PS-së për të përjashtuar deputetin Sali Berisha nga kuvendi me 10 ditë. Në dalje të mbledhjes, nënkryetari i PD-së Edmond Spaho tha se ngjarja u manipulua dhe se vendimi ishte njëhakmarrje ndaj ish kryeministrit Berisha. Ndërkohë që deputeti i PS Taulant Balla tha se me shumicë dërrmuese, 6 me 1, u vendos pëjashtimi i Berishës. Balla tha se në këto 25 vite, tashmë është bërë e dukshme që Berisha nuk ja ka dashur askujt të mirën. Deputeti socialist vuri në dukje se ende opozita nuk ka një qëndrim zyrtar për këtë çështje.
“Duke shfrytëzuar mekanizmin e votës maxhoranca vendosi. Kërkesa është një manipulim i turpshëm. Ju kujtoj qytetarëve shqiptarë se janë të pambrojtur si individë për shkak se kjo maxhorancë është e lidhur ngushtë me krimin e organizuar. Kjo ishte një tentativë e mjerushme për tu hakmarrë ndaj Berishës, i cili ishte i pari që denoncoi kërcënimet ndaj pedagogëve nga ana e Shullazit.”- tha Spaho.
“Me shumicë drastike, 6 me 1, Byroja vendosi për respektimin e ligjit dhe kushtetutës. Në pamundësi për tu shprehur me kodin penal sepse nuk është cështje e Byrosë së Parlamenti, u vendos dënimi maksimal, përjashtimi me 10 ditë nga parlamenti. Dje Berisha i provoi të gjithë shqiptarëve se në këto 25 vite nuk ja ka dashur të mirën këtij vendi. Një deklaratë që hyn në juridiksionin e kodit penal… megjithatë i takon drejtësisë dhe ne ripërsërisim apelin tonë që prokuroria të veprojë.”- tha Balla.
Më parë Ambasadori Donald Lu pati një takim privat me Sali Berishën në lidhje me këtë cështje, ndërsa më pas i është drejtuar selisë blu për të takuar kryetarin e PD-së Basha. Pritet që lideri i opoziës të bëjë një dalje publike për të dhënë qëndrimin zyrtar të opozitës në lidhje me deklaratën e Berishës.
