Operatori i Shpërndarjes së Energjisë Elektrike (OSHEE) sqaroi sot përmes një njoftimi për shtyp ankesat lidhur me mungesën e energjisë elektrike në Theth, Shkodër.
”Në lidhje me ankesën se në Theth, ka 20 ditë pa drita ju sqarojmë se kjo zonë furnizohet me drita nga një HEC, te cilit nuk ka i funksionuar një nga turbinat, duke sjellë avari dhe shkëputje të energjisë elektrike. Pavarësisht kësaj, me masat e marra nga OSHEE, deri në zgjidhjen e plotë të problemit, që pritet të ndodhë sot në mbrëmje, banorët e Thethit kanë patur shkëputje të energjisë vetëm 2 orë në dite dhe kjo përgjatë 6 ditëve të fundit”, theksohet në njoftimin e OSHEE-së.
Brigadat e OSHEE Shkodër, vijon njoftimi, prej më shumë se 24 orësh janë duke punuar për rikthimin me kapacitet të plotë të HEC-it, zgjidhje që pritet të vijë në mbrëmje.
OSHEE thotë se “nuk është aspak e vërtetë që mungon energjia elektrike prej 20 ditësh”./b.d
