Në ditën e themelimit të Partisë Demokratike, Lulzim Basha ka deklaruar se në dhjetor të 1990 studentët shqiptarë vranë frikën, ndërsa e njëjta situatë sipas tij është edhe sot.
“Gjithë respekti është për studentët. Studentët atëherë vranë frikën dhe tani kërkojnë një Shqipëri si gjithë Europa me një shtet si në perëndim. 28 vite më parë Shqipëria ishte në fundin e një sistemi të kalbëzuar. 28 vite më vonë Shqipëria është në fundin e një politike të kalbëzuar, që ka korrupsionin në sistem dhe oligarkinë. Ky i ka shtyrë shqiptarët në arrati si 28 vite më parë.
Ortakëria e babëzitur ka dobësuar mekanizmat e kontrollit të qeverisë. Pushteti ka sjellë kriminelët në majë të pushtetit, viktimat janë shqiptarët. Sfida jonë më e madhe, vendimtare e PD është kthimi i besimit të njerëzve. Me këtë barrë të rëndë jemi mbledhur sot këtu. Të rinjtë sollën pluralizmin dhe një ndryshim i tillë po lajmërohet sot në Shqipëri.
Të rinjtë janë sërish në këmbë, kjo lëvizje është shumë më shumë se për tarifat dhe të drejtat për arsim. Kjo është armatosja me guxim që të mos heshtin kurrë më kur qeveria i mashtron. Mrekulli e lirisë është kur qeveria bën se çfarë thotë populli. Lëvizja studentore si dje dhe sot është besim dhe shpresë. Zoti e bekoftë rininë e këtij vendi dhe i shtoftë guximin’ tha Basha./a.meta
