Thellohet tragjedia për familjen e biznesmenit Zenunaj i cili humbi jetën pas shpërthimit të gazit në Velipojë.
Edhe djali i tij Hektor Zenuni nuk ka mundur të mbijetojë. Megjithëse u dergua në Turqi për mjekim të specializuar 33-vjeçari nuk arriti që t’i bëjë ballë plagëve të marra nga shpërthimi në restorant “Il Cavaliero” në Velipojë pak ditë më parë në pronësi të babait të tij, raporton News24.
33-vjeçari që u fut në depon e nëndheshme për të shpëtuar babain e tij, pësoi djegie të mëdha në fytyrë dhe gjoks, dhe po kështu djegie të shkallës së dytë dhe të tretë pësoi edhe babai i tij, Besnik Zejnuni, pronari i resortit. Të dy u nisën me helikopter drejt spitalit ushtarak në Tiranë, por Besniku ndërroi jetë pas 36 orësh nga ngjarja.
Ndërsa Hektori u nis drejt Turqisë për mjekim më të specializuar, duket se edhe ai nuk ka mundur të qëndrojë në jetë. Ngjarja e rëndë ndodhi paraditen e 28 korrikut ndërsa shkak u bë rrjedhja nga një depozitë e madhe gazi që ndodhej në bodrumin e restorantit.
