Gazeta prestigjoze britanike The Guardian ngre alarmin për rritjen e trafikut të fëmijëve shqiptarë, që përfundojnë si skllevër në Angli. Përmes një artikulli të gjatë, gazeta i referohet një raporti të përpiluar nga avokati Javed Khan, drejtuesi i një organizate ligjore për mbrojtjen e të drejtave të fëmijëve.
Sipas këtij raporti, numri i fëmijëve që trafikohen nga Shqipëria po vjen në rritje. Të miturit përdoren ose për trafikimin e lëndëve narkotike ose shfrytëzohen për punë të rënda siç është dhe sektori i ndërtimit.
Avokati thekson se rekrutimi i fëmijëve e ka zanafillën në Britani. Pra sipas tij, nuk ka një sistem trafiku nga Shqipëria në Britani.
“Ne besojmë se fëmijët, kryesisht adoleshentë, vijnë në Britani vullnetarisht dhe më pas aty rekrutohen për të punuar në të zezë apo nga bandat kriminale” shkruhet në “The Guardian”.
Sipas zyrës së tij, janë më shumë se 13 mijë fëmijë që përdoren për punë të ndryshme në Britani. Numrin më të madh e përbëjnë vietnamezët, dhe pas tyre vijnë shqiptarët.
