Një tempull i ndërtuar 500 vjet më parë në Meksikë, ka dalë nga uji për shkak të thatësirës. Fjala është për tempullin e Quechulas, në lumin Grijalva, i cili ushqen një liqen artificial. Niveli i ujrave është ulur me 25 metra për shkak të thatësirës dhe kjo ka bërë që ndërtesa e shekullit të 15-të të dalë nga ujrat si me magji. Eshtë e dyta herë në 15 vjet që kjo ndodh për shkak të mungesës së reshjeve.
Tempulli u braktis nga murgjit në vitet 1773-76 për shkak të epidemisë së murtajës, por ja që sot është rikthyer si një nga objektet tërheqëse për turistët që shkojnë aty me varkat e peshkatarëve të zonës.
