Korporata Elektroenergjetike Shqiptare (KESH) bën të ditur se, për periudhën janar-qershor të këtij viti, kaskada e Drinit prodhoi 2050 giga vat energji nga 2784 giga vat që u prodhua në gjysmën e parë të vitit të kaluar.
Mungesa e reshjeve ka përgjysmuar prurjet e ujit në hidrocentrale dhe prurjet mesatare të ujit në liqen, në 6-mujorin e parë të vitit ishin 146 metër kub në sekondë, nga 306 metër kub në sekondë që ishin janar- qershorin e 2016.
KESH aktualisht prodhon vetëm duke shfrytëzuar prurjet natyrale të kaskadës për të ruajtur kuotat e ujit në basene, të cilat kanë zbritur në nivele minimale. Sipas të dhënave, aktualisht niveli i ujit në liqenin e Fierzës është 270.7 metër ose 20.3 metër më i ulët se sa një vit më parë. Për të siguruar furnizimin me energji të vendit, KESH dhe OSHEE do të vazhdojnë importet e energjisë, të paktën edhe për dy muajt e ardhshëm. /b.d
