Presidenti ka deklaruar se Selia e Shenjtë gjithmonë ka qenë mirëkuptuese për kauzën e Kosovës, qysh nga koha e Papa Gjon Palit të Dytë, kur në Kosovë, Serbia po kryente krime,
Presidenti i Kosovës, Hashim Thaçi në Zona e Debatit të Baton Haxhiut ka thënë se pret që së shpejti Vatikani ta njohë Kosovën.
“Vatikani gjithmonë ka qenë mirëkuptues në kauzën e qytetarëve të Kosovës, duke filluar me Papa Gjon Palin e Dytë.
Pra ka një traditë bashkëpunimi mes Kosovës dhe Vatikanit. Ai ka qenë gjithmonë afër dhe i zëshëm ndaj dhunës së Beogradit në Kosovë. Vatikani është i familjarizuar me kauzën e Kosovës.
Vizita tek Papa Francesku është në kuadër të agjendës time, që të kemi përkushtim rajonal në nivel diplomatik, pastaj edhe në vendet që nuk na kanë njohur. Në Vatikan kam shkuar me ftesën e Papës, ku kemi zhvilluar një bisedë 40 minutëshe”.
Thaçi më tutje ka shtuar se në Vatikan janë të bindur se është humbur rasti për ta njohur Kosovën shtet të pavarur menjëherë, ndaj janë duke e shqyrtuar procesin tani, dhe se Papa Francesku do ta vizitojë Kosovën. (b.an)
