Presidenti i Kosovës ka folur mbrëmjen e sotme nga studio e ‘Opinion’ në Tiranë teksa është përpjekur të sqarojë çështjen e ‘korrigjimit të kufijve’.
Hashim Thaçi tha se Kosova dhe Serbia janë bashkëfajtore sa i përket bllokimit të proceseve integruse dhe përmes marrëveshjës, ai shpreson që perëndimi të hapë dyert për të dyja vendet.
“Unë nuk kam fuqi ta bind Serbinë që ta njohë Kosovën. Askush nuk i cënon më interesat e Kosovës, pasi Serbia nuk ka më Millosheviçin, por njerëz të zgjedhur” – tha ai.
Sipas Thaçit, publiku nuk është mësuar që të ketë një marrëveshje paqësore mes serbëve dhe shqiptarëve. Ai u shpreh se marrëveshja do t’i japë fund urrejtjes 100-vjeçare.
Sa i përket marrëveshjes, Presidenti i Kosovës tha se nuk ka terma konkretë.
“Kemi bërë dy takime në Bruksel. Unë kam hedhur idenë pas takimit me drejtues të Luginës së Preshevës si dhe referendumit të 22 mars-it 1992 që Lugina të bashkohet me Kosovën, por tani forcat, balancat kanë ndryshuar ndaj në duhet të sillemi me përputhshmëri me kostelacionin ndërkombëtar. Ideja është origjinale e institucioneve të Luginës e institucionalizuar në Presidencën e Kosovës. Në rastin e marrëveshjes do të ketë njohje reciproke midis Kosovës dhe Serbisë” – tha Thaçi.
