Presidenti i Kosovës, Hashim Thaçi tha se gjatë takimit që ka pasur me Presidentin Trump, ai i ka thënë se “Kosova është një vend i mrekullueshëm me një popull të mrekullueshëm, dhe e ndien dhe e njeh problematikën e Kosovës”, tha Thaçi.
Presidenti në një prononcim për RTK, po ashtu tha se në takimet që ka pasur me sekretarin Mike Pompeo dhe ambasadoren e SHBA-së në OKB, ishte një ndiejnë e fuqishme me mbështetje për Kosovë, ku u shpreh qartë se administrata Trump mbështet Kosovën dhe rrugëtimin më të shpejt për në NATO.
Thaçi thotë se Trump dhe zyrtarët e administratës së tij kanë shprehur një mbështetje të fuqishme për Kosovën. “Administrata e Presidentit Trump e mbështet fuqishëm Kosovën dhe rrugëtimin më të shpejtë të saj në NATO dhe BE”, ka theksuar ai duke shtuar se “E çmon shumë miqësinë e përjetshme të qytetarëve të Kosovës me SHBA-në… Në të njëjtën kohë vlerëson lart punën që po bëhet edhe në situata jo të lehta, kritike”. Presidenti i Kosovës është shprehur se zyrtarët e administratës Trump kanë vlerësuar se “Kosova është në drejtimin e duhur dhe po merr përgjegjësitë e veta”.
Presidenti Thaçi, po ashtu pohoi se SHBA mbështet fuqishëm dialogun Kosovë – Serbi dhe marrëveshjen e mundshme historike që mund të arrihet mes dy vendeve.
“SHBA konfirmuan qartë se e mbështesin edhe angazhimin që kemi deklaruar, në rast të arritjes së marrëveshjes mes të Kosovës dhe Serbisë, ku mund të përfshihet demarkimi i kufirit dhe korrigjimi i lehtë i kufirit, që do të mbyllte urrejtjen ndër shekullore mes Kosovës dhe Serbisë”, deklaroi presidenti Thaçi.
a.ç
