Presidenti Hashim Thaçi, priti sot vëzhguesit nga Parlamenti Europian për zgjedhjet në Kosovë, të kryesuar nga Igor Soltes, me të cilët bisedoi për zgjedhjet në Kosovë.
“Kosova ka ndërtuar traditë të zgjedhjeve të lira dhe demokratike dhe pret që të njëjta do të jenë edhe zgjedhjet e 11 qershorit”, theksoi Thaçi.
Kreu i shtetit duke falënderuar Soltes që Parlamenti Europian ka dërguar një mision për vëzhgimin e zgjedhjeve, shtoi se “kështu do të konfirmohet standardi i lartë i zgjedhjeve në Kosovë”.
Soltes tha se “zgjedhjet janë proces i rëndësishëm për Kosovën. Jemi këtu të ndihmojmë këtë proces të rëndësishëm”.
Presidenti Thaçi u shpreh se çfarëdo të jetë rezultati i zgjedhjeve, Kosova do të ketë qeveri pro-europiane, pro-NATO dhe multi-etnike./b.d
