Presidenti i Kosovës, Hashim Thaçi dhe ai i Serbisë, Tomislav Nikoliç, do të kenë mundësinë e parë që të takohen së bashku si presidentë. Kreu i Serbisë, i njohur për qëndrimet e tij tejet nacionaliste, kishte krijuar probleme në raste të ndryshme gjatë samiteve rajonale të mbajtura kohë më parë, gjatë kohës kur presidente e Kosovës ishte Atifete Jahjaga.
Takimi mes Thaçit e Nikoliqit do të mund të ndodhë gjatë samitit të ardhshëm të Sarajevës që do të mbahet të hënën dhe të martën (29 dhe 30 maj) e javës së ardhshme.
Në këtë Samit i cili është në vazhdën e atyre të Brdo-Brioini” do të marrin pjesë presidentët e të gjitha vendeve të rajonit. Ftesën e kanë konfirmuar presidentja e Kroacisë Kolinda Grabar-Kitaroviç, ai i Malit të Zi Filip Vujanoviç, i Sllovenisë Boris Pahor, i Shqipërisë Bujar Nishani, i Kosovës Hashim Thaçi dhe i Serbisë Tomislav Nikoliç, referon “lajmi.net”. (b.an)