Dy liderët e partive më të mëdha në Kosovë, Hashim Thaçi nga Partia Demokratike dhe Isa Mustafa nga Lidhja Demokratike, do të takojnë të enjten grupet parlamentare përkatëse për t’u siguruar përfundimisht se kanë votat e nevojshme për ndryshimin e Kushtetutës, për t’i hapur rrugë krijimit të Gjykatës Speciale, raporton Telegrafi.
Top Channel ka mësuar nga burimet brenda dy subjekteve më të mëdha se krerët e tyre u kanë dhënë garanci Ambasadës Amerikane dhe Bashkimit Evropian, se Gjykata Speciale do të miratohet nga Kuvendi ditën e premte.
