Ministri i Jashtëm francez, Jean-Noel Barrot, paralajmëroi të premten, tetë muaj para zgjedhjeve presidenciale dhe pas një fushate të re ruse që synonte politikanët që ka të ngjarë të jenë kandidatë, se Parisi “nuk do të tolerojë asnjë përpjekje për ndërhyrje të huaj”.
“Franca nuk do të tolerojë asnjë përpjekje për ndërhyrje të huaj në debatin e saj demokratik, e aq më pak në proceset e saj zgjedhore”, tha ministri i jashtëm nëpërmjet X.
Këto deklarata u bënë në përgjigje të kreut të partisë së majtë radikale LFI, Jean-Luc Melenchon, i cili të enjten në mbrëmje kritikoi mungesën e vendosmërisë nga ana e qeverisë dhe shprehu keqardhjen e tij për faktin se, siç tha ai, zgjedhjet presidenciale franceze janë “një derë e hapur për të gjithë manipuluesit e botës”.
Një sërë operacionesh destabilizimi, të atribuuara rrjeteve pro-ruse, kanë synuar brenda pak ditësh tre politikanë që kanë deklaruar se do të jenë kandidatë në zgjedhje ose se po e shqyrtojnë këtë mundësi.
