Tetë kompani kanë marrë pjesë në tenderin e hapur për Unazën e re në aksin ku përfshihet dhe rrethrrotullimi i sheshit “Shqiponja”.
Burimet kanë bërë të ditur se autoriteti rrugor shqiptar ka nisur shqyrtimin e dokumentacionit të paraqitura prej palëve. Ndërsa oferta më e lartë shkon në 18 milionë euro dhe më e ulëta në 14 milionë. Në garë janë kompani si “Alb Building”, “Salillari”, “Gjoka” apo Gener 2″.
Tenderi është hapur pas publikimit të projektit të rishikuar të sheshit “Shqiponja”, I cili do të ketë një nënkalim në vend të propozimit për mbikalim. Ndërkaq tenderi I parë u anulua pas akuzave për falsifikim të dokumenteve prej kompanisë që u shpall fituese me ofertën 20 milionë euro “Dh Albania”.
