Timothy Springer, një profesor i mjekësisë në Universitetin e Harvardit, ka regjistruar një vlerë neto mbi 1 miliardë dollarë këtë javë pasi aksionet e tij të hershme në firmën e bioteknikës Moderna u rritën me 17,000%, raportoi “Bloomberg”.
Profesori investoi 5 milion dollarë në kompani herët, dhe vlera e aksioneve është rritur në më shumë se 800 milion dollarë.
Aksionet e Moderna janë dyfishuar, pasi vaksina e saj eksperimentale e koronavirusit u zhvendos në prova njerëzore dhe mori më shumë se 400 milion dollarë në fonde nga qeveria amerikane.
Një grup i vogël i shkencëtarëve, drejtuesve dhe investitorëve shënuan fitime të jashtëzakonshme në sektorin e bioteknikës pasi shpërthimi i koronavirusit u përshkallëzua në një pandemi të rëndë. Ata që kishin aksione në Moderna e panë më së shumti rritjen e vlerës së tyre neto, e ndjekur nga ata të investuar në Novavax dhe Gilead.
Profesori bëri afro 100 milion dollarë në 1999 kur biznesi i tij i parë u ble nga Millennium Pharmaceuticals, shkruan “Bloomberg”. /e.s/
