Agjencia Kombëtare e Provimeve (AKP) ka publikuar emrat e 140 mjekëve të rinj që do t’i nënshtrohen provimit të shtetit në datën 10 shkurt.
Kandidatët janë ndarë në tre grupe dhe do të testohen në orare të ndryshme. Po ashtu, AKP bën me dije se ditën e provimit kandidatët duhet të jenë të pajisur me kopjen e kartës së identitetit, letërnjoftimin origjinal për pjesëmarrje, faturën e pagesës së tarifës së provimit të shtetit.
Profesionet e rregulluara, ku bëjnë pjesë edhe mjekët, kanë të drejtë të japin provimin deri në 5 herë. Ndërkohë që, nëse provimi nuk kalohet me sukses, ata nuk kanë të drejtë të ushtrojnë ptofesionin.
