Këshilli i Sigurimit i OKB-së ka ndërmarrë sot bisedime urgjente, me dyer të mbyllura në Nju Jork, pas njoftimit për një tjetër test bërthamor nga ana e Koresë së Veriut.
Konsultimet midis ambasadorëve të 15 vendeve anëtare të Këshillit u kërkuan nga Uashingtoni dhe Tokioja. Referuar disa rezolutave, OKB e ndalon Phenianin ndaj çdo lloj veprimtarie bërthamore ose balistike, nën presionin e sanksioneve.
Në fillim të bisedimeve, ndihmës-përfaqësuesi i përhershëm britanik, Peter Wilson e ka cilësuar testin e ri koreanoverior si shkelje flagrante të rezolutave të Këshillit dhe ka rekomanduar një përgjigje “energjike” duke iu referuar një përforcimi të mundshëm të sanksioneve ndërkombëtare.
“Sidoqoftë, sanksionet janë pjesë e një politike më të gjerë”, shtoi ai.
