U ka mbijetuar dy sulmeve terroriste më të rënda në histori. Mbi Kullat Binjake, më 11 shtator 2001 dhe në Paris, më 13 nëntor 2015. Matthew, një amerikna 36-vjeçar, ka treguar historinë e tij për “Telegraph”.
Më 13 nëntor, amerikani ishte në klub Bataclan në Paris, ku u krye masakra më e madhe. “Isha atje për koncertin e Eagles of Death Metal, si shumë të tjerë. Arrita t’ia mbathja duke përfituar nga momenti kur po ndërronin karikatorët”. Matthew u shpëtua nga gazetari i “Le Monde” që nga banesa e tij filmoi atë çka ndodhte jashtë lokalit.
E pabesueshme është që Matthew ka qenë në rrezik edhe më 11 shtator 2001, kur gjendej poshtë Kullave Binjake në New York, ku kishte një intervistë pune. Pak më vonë, një nga avionët e rrëmbyer nga Al Kaeda u përplas mbi njërn prej kullave. “E pabesueshme, por mbijetova”, thotë.
Gazetari i “Le Monde” dhe Matthew u takuan tri ditë më pas në spital. Për “Le Monde”, Matthew tregoi se si vrapoi përgjatë gjysmës së Manhattanit pasi pa përplasje e avionit, por ajo që përjetoi në Bataclan ishte “një mijë herë më keq”.
