Pas sulmeve terroriste në Barcelonë, tronditet edhe Finlanda. Disa persona janë sulmuar me thikë nga një person i cili u neutralizua nga forcat e sigurisë. Ngjarja e rëndë ka ndodhur në qytetin Turku ku agresori papritur sulmoi njerëzit e rastësishëm në rrugë.
Sipas raportimeve paraprake, bëhet me dije se një grua e moshuar dhe një djalë i ri u plagosën në sheshin qëndror të qytetit. Ndërkohë, edhe në anën tjetër të sheshit u raportua për plagosjen e një tjetër gruaje të moshuar raporton RT.
Sipas mediave vendase, 1 person raportohet të ketë vdekur ndërkohë nuk ka një numër të saktë të personave të plagosur që mendohet të jenë 6 deri tani.
Sipas mediave vendase në vendngjarje janë parë ambulanca të shumta. Ende nuk dihet numri i saktë i personave të lënduar.
Policia vendase raportohet se ka plagosur në këmbë agresorin i cili është arrestuar. Ende nuk jepen të dhëna të sakta nëse ngjarja është me prapavijë terroriste edhe pse të gjitha dyshimet lidhen pikërisht me terrorizmin. Sipas disa dëshmitarëve, agresori thërriste ‘Allahu Akbar’ ndërkohë që sulmonte njerëzit. /a.m.
Shooting in Turku city centre following multiple stabbing an market square. pic.twitter.com/GfploTcHam
— Mick Wooly (@mickwooly) August 18, 2017
