Një aksident i rëndë me pasojë plagosjen e 5 personave ka ndodhur sot në aksin rrugor Fushë Krujë- Milot.
SIpas raportimeve, bëhet me dije se në aksident janë përfshirë 3 automjete.
Makinat e përfshira në aksident janë njëra më targa vendase, një makinë me targa kosovare, ndërsa tjetra me targa greke.
Personat e plagosur, identiteti i të cilëve nuk bëhet akoma i ditur, janë dërguar menjëherë në spital ku po marrin ndihmën e parë mjekësore dhe ndodhen jashtë rrezikut për jetën.
Si pasojë e aksidentit është shkaktuar edhe trafik i rënduar në Thumanë.
Policia ndodhet në vendngjarje dhe po punon për zbardhjen e shkaqeve të aksidentit, si dhe për zhbllokimin e aksit./a.m.
