Dalin pamje nga arsenali i armëve që u gjet sot gjatë kontrollit në manastir në Banjskë të Zveçanit, të cilin e kishin në posedim grupi terrorit prej 30 vetash.
Policia njoftoi se grupet terroriste kanë pasur sasi të madhe të armatimit.
Në afërsi janë arrestuar edhe 4 persona të dyshimtë të cilëve i janë gjetur disa radiolidhje. Të arrestuarve u është caktuar masa e ndalimit policorë prej 48 orësh.
Drejtori i Institutit “Octopus”, Agim Musliu, ka publikuar një fotografi të një pjese të armatimit që është gjetur të dielën në manastirin e Banjskës, ku shihen edhe shirita me mbishkrimin “KFOR”.
Ai ka thënë se përveç vrasjes së rreshterit policor Afrim Bunjaku, fshehjes së armëve në manastir, ata (terroristët serbë) janë përpjekur të fshihen edhe si paqeruajtës të KFOR-it.
“Përveç vrasjes së policit; Përveç fshehjes së armëve në manastirin #ortodoks, #terroristët serbë të udhëhequr nga #Serbia janë përpjekur të fshihen ose të maskohen si @NATO_KFOR paqeruajtës! Përveç arsenalit të madh të armëve, shikoni se çfarë tjetër kishin me vete!”, ka shkruar Musliu.
/f.s
