Ditën e sotme në Komisionin e Reformës Territoriale ka nisur propozimi i palëve për ndarjen e re administrative.
Mësohet se opozita ka propozuar këtë të hënë shtimin e 33 bashkive të reja. Ajo ka dhënë opsione për të shkrirë qarqet dhe për të vendosur 3 ose 6 rajone.
Opozita ka kërkuar për thuajse të gjitha qarqet e vendit shtimin e numrit të bashkive. Për kryeqytetin specifikisht ka kërkuar të shtohen 3 bashki. Bëhet falë për Farkën, Dajtin dhe Kasharin.
Mazhoranca ende nuk e ka sjellë draftin paraprak në këtë komision, por duke marrë në konsideratë deklaratat e përfaqësuesve të saj, do të ketë hapësirë për të bashkëpunuar me opozitën, në mënyrë që të bëhen disa lëshime dhe të ketë një shtim të numrit të bashkive, por jo aq sa kërkon PD.
Sa i përket shkrirjes së qarqeve dhe ndarjes në rajone pritet të ketë dakordësi. Megjithatë, ajo që është e sigurt deri më tani është se palët do të shkojnë me dy propozime të ndryshme në Kuvend.
/a.r
Si ka mundësi që këta të PD duan të shtohen bashki, kur e gjithë popullsia totale e shtetit shqiptar nuk kap as 3 milion, një popullsi më e vogël se ajo e Milanos, Romës apo e Berlinit.. Këta janë mësuar me bajraqe e me bajraktarë.