160 familje të Bashkisë Lezhë dhe 129 familje te Kurbinit të prekur nga tërmeti i 26 Nëntorit përfituan bonusin e qirasë.
Këshilli bashkiak i Lezhës në mbledhjen e fundit miratoi dhënien e plotë të qirasë sipas vlerës së tregut në total për 289 familje.
Të ardhurat që familjet do të përifitojnë nga bonusi i qirasë do t’i japin mundësi banorëve të rikthehen në shtëpi, shpenzimet mujore te qirave përkatëse paguhen nga shteti.
Bashkia e Lezhës, inxhinierët po vijojnë inspektimet në terren për objektet e banimit që kanë pësuar dëmtime. Gjithashtu po kryhet verifikimi edhe për 252 persona për t’i përfshirë ata në politikat sociale që ndërmori qeveria në përballimin e tragjedisë që shkaktoi tërmeti.
Në terren vijon procesi i inspektimeve, ndërkohë që kryebashkiaku i Lezhës, Pjerin Ndreu, bashkë me donatorët po punojnë intensivisht edhe për procesin e rindërtimit. /e.s/
